អន្ទាក់មរណៈ Trap

ថ្រែភ៍ (Trap) ជាខ្សែភាពយន្តថ្មីដ៏ទាក់ទាញបំផុតមួយ ដែលនិយាយពីបេសកកម្មតាមប្រមាញ់បុរសរោគចិត្តម្នាក់ ដែលគេតែងតែងធ្វើការចាប់បង្ឃាំង និងសម្លាប់មនុស្សដែលគ្មានកំហុស យកទៅសម្លាប់ជាបន្តបន្ទាប់។ ប៉ុន្តែ ដោយសារតែចិត្តស្រលាញ់ខ្លាំងលើកូនស្រីរបស់គេ គេក៏បានធ្លោយខ្លួនធ្លាក់ចូលក្នុងអន្ទាក់ឡោមព័ទ្ធរបស់ប៉ូលិសយ៉ាងតឹងរឹងក្នុងការប្រគុំខនសឺតរបស់តារាស្រី ឡេឌី រ៉េវិន។ ប៊ូតឆឺ ដែលគេស្គាល់ថាជាឃាតកររោគចិត្តនោះ បានព្យាយាមរិះរកគ្រប់មធ្យោបាយ ដើម្បីគេចចេញពីអន្ទាក់ចាប់ខ្លួនរបស់ប៉ូលិស រហូតឈានដល់ការចាប់ជំរិត និងគំរាមសម្លាប់មនុស្សផ្សេងជាបន្តបន្ទាប់។ តែយ៉ាងណា លទ្ធផលចុងក្រោយ កំពូលឃាតករជំនាញម្នាក់នេះ ក៏នៅតែត្រូវអស់លក្ខណ៍ ក្រោមការប្រើល្បិចទល់ល្បិចរបស់តារាចម្រៀងស្រីល្បីឈ្មោះ ឡេឌី រ៉េវិន។